Meghalaya: Chief Minister leh Nitin Gadkari inbia

Meghalaya chief minister Conrad K.Sangma leh union minister of road transport & highway, Nitin Gadkari chu Meghalaya state chhunga project hrang hrang thawh dan chungchangah an inbia.

CM Sangma hian Gadkari hi National Highway & Infrastructure Development Corporation Limited (NHIDCL) project leh National Highway project an neihte ennawnna neihpui turin a sawm a ni.

Meeting-ah hian Chief Minister Sangma chuan Gadkari-a'n state chhunga infrastructure tih hmasawnna kawnga thlawpna a pek avangin a lawm thu a hrilh bawk.

January 18 khan Meghalaya deputy chief minister Prestone Tynsong chuan high-level meeting koin, National Highway leh Infrastructure Development Corporation Limited (NHIDCL) hnuaia kawng siamṭhatna tur project, Rs vbc 5000 senna tura thawh ṭan dan tur an rel ho bawk. Deputy CM chuan ram chungchanga buaina pawh chinfel vat a nih tur thu a sawi a, a kaihhnawih department-te chu he buaina chingfel tur hian hma la turin a hrilh.

Tynsong chuan ram chungchanga buaina hi 75% vel a awm thu sawiin, hei hian hna thawh a tih khawtlai thu a tarlang.

Project an ennawn mekte hi Rs vbc 705.83 senna Dainadubi-Darugre kawng, Rs vbc 801 senna Darugre-Williamnagar kawng leh Rs vbc 359 senna Tura-Dalu kawng te an ni. Hei bakah hian Nongstoin-Rambrai-Kyrshai kawng, Shillong Western Bypass, Shillong-Dawki kawng Rs vbc 1,000 senna leh Mawlyngkhung, Umiam lui bul aṭanga Panchgram, Assam pawh tur speed corridor siam tura ruahman pawh an ennawn nghal bawk.