Assam-in Smart City project-ah PPP mode hmang dawn

Assam Finance minister Himanta Biswa Sarma chuan Guwahati-a Smart City project kalpui turah Public-Private Partnership (PPP) mode hman a nih tur thu Thawhlehni khan Assembly Budget Session-ah a sawi.

Smart City project kalpui nan hian cheng vaibelchhe 2,400 ruahman a ni a, sorkar laipui chuan vaibelchhe 400 a tum sak dawn a ni. Himanta chuan sorkar chuan zirna a ngaipawimawh tih sawi nawn lehin, April, 2017 hma ngein college 12 din belh tum a ni a ti a, heng bakah hian a ṭul dan angin college 50 thleng pawha din belh chhoh tum a nih thu a sawi.

Zawhna chhangin finance minister chuan, Smart City project atana state sorkarin a tum tur vaibelchhe 2,000 chu a tam tham avangin PPP-a kalpui tur a ni a ti a, sorkar laipui tum ve tur vaibelchhe 400 aṭangin vaibelchhe 300 chu pekchhuah tawh a ni, a ti. State sorkar chuan vaibelchhe 2,000 a pechhuak dawn lo tih sawiin, vaibelchhe 400 a tum dawn a, a bak zawng chu PPP-a kalpui a ni ang, a ti. Himanta chuan chuan Smart City project atan hian kum 2017-ah vaibelchhe 200 a pe chhuak phawt dawn tih a sawi bawk.

He project kalpui tur hian tender chhuah a ni tawh a, project ma-nagement consultancy ten an chhang thei a, thla rei lo teah hna ṭan beisei a ni. Smart City project hian wetland development a thlur bing dawn a, hei hian Borsola beel, Deepor beel, Mora Bharalu leh Bharalu te a huam dawn a, road leh infrastructure lam chu khawij a ni rih dawn lo.

Zirlai ten zirna ina seat chan loh vanga zirna an bansan lohna turin December 2016-a Assembly Session-ah Assam Venture Educa-tional Institution (Provin-cialisation of Service) Act chu put luh a nih tur thu Assam Finance minister Himanta Biswa Sarma chuan a sawi bawk a ni.