AP CM-in vuitu a ngah

Arunachal Pradesh Chief Minister hlui Kalikho Pul chu a chenna hmunah in awkhluma hmuh a nih hnuah Nilaini khan state chawimawina ropui nen vui liam a ni.

Pul hi a pianna khua Walla, Anjaw district-ah phum a ni. State sorkar chuan a sunna hun ni thum chhung a hmang a, nimin kha sorkar chawlhah puan a ni bawk. Lok Sabha MP Ninong Ering, AICC secretary Jay Kumar, MLA leh mipui
ṭhahnem takin a pianna hmun panpui a nih dawn hian an thlah a, sorkar mi pawimawhte chuan a ruang hi an zui bawk.

Kalikho Pul hian fa pasarih a nei. Amah vuini hian dawr leh sumdawnna hmun ṭhenkhat te khar a ni a, amah uitu mi ṭhahnem tak an pungkhawm a ni. MLA Kento Rina leh Kaling Moyong bakah DC in-charge Bani Lego, SP Pranav Tayal, PMC Chief Councilor Kaling Doruk, East Siang ABK secretary Talut Siram leh WW President Yalem Taga Burang te chu a vuinaah hian an tel a ni.