NEFIS ten AFSPA hlih phut

North-East Forum for International Solidarity (NEFIS) te chuan Armed Forces Special Powers Act (AFSPA) hlih a nih theih nana ṭanrual a ṭul thu leh sorkar laipui chu he dan hlip tura an phut thu an sawi.

NEFIS press release-ah chuan, Irom Sharmila-i'n kum 16 chhung zet AFSPA hlih a nih theih nana a hmalakna chu chhuanawm an tih thu leh, boruak muanawm a awm tawh hnu pawha sorkarin he dan a la hmang reng chu an dem thu an tarlang. NEFIS te chuan Manipur leh AFSPA hmanna state dangah te sipaite silai hmehpuah avanga nunna chan an awm fo chu pawi an tih thu an sawi.