Assam Chief Minister leh British Minister inkawm
British Minister for Cultural Affairs and Director of British Council Alan Gemmell leh Assam Chief Minister Sarbananda Sonowal te chu Nilaini khan Guwahati-ah an inkawm a, education, tourism, culture, skill development leh sport lama hmasawnna turte an sawi dun.
Gemmell chuan a bikin
ṭhalaiten skill development lamah hma an sawn a ngaih thu sawiin, kawng hrang hranga an hriatna leh thiamna tipung tura English ṭawng a pawimawh tih a sawi. Assam-a zirtirtu 12,000 vel zet te chu English language training buatsaih sak ni thei se a duh tih a sawi bawk. British Council hun lai aṭang tawhin hmarchhak ten skills development lamah hma an sawn theihna turin hmalak a ni tawh a, a bikin Assam leh Meghalaya te chu ngaihpawimawh an ni, a ti.
Assam CM chuan an state chuan tourism lamah hmabak eng tak an nei tih sawiin, an leilung mawina leh hausakna tak tak ṭhalai zawkte an pawimawh a, chu chuan economy thlengin nghawng ṭha a nei dawn a ni, a ti. Sonowal chuan British Council hun laia industry bul lo ṭan tawh te chu tun thlenga an la chhawr ṭangkai thu sawiin, chung zingah chuan Asia-a refinery hmasa ber Digboi ami pawh a tel tih British Minister a hrilh. Heng bakah hian Assam CM chuan an state-in agriculture, horticulture leh floriculture sector lamah te hmabak eng tak a nei tih sawiin, thawhpuiah Gemmell chu a sawm nghal bawk.