Assam Assembly-in GST Bill pass

Assam Assembly chuan Goods and Services Tax (GST) Bill chu a pass a, India ram state zingah he Bill pass hmasa ber a ni.

State finance minister Himanta Biswa Sarma chuan kum 2016-17 atana state budget pharhin, GST hmang tur hian state sorkar chuan chak takin hma a la dawn a ni, a ti. Minister chuan Infosys te duan software chu state sorkarin hmang turin ruahmanna a siam mek a, he system thar hi tax department leh trade and industry-ah te hman phawt a nih tur thu a sawi. Heng bakah hian tax department hmalakna chak zawka kalpui a nih theih nana network tihchakna turin World Bank-assisted project hman a nih tur thu a sawi bawk.

Finance minister chuan, GST law hman a nih hnuah buaina a awm lohna turin sorkar chuan master trainer eng emaw zat a ruai dawn a, tax department-a officer te chu training pek vek an ni ang, a ti. GST hian sorkar laipui aṭanga indirect taxe lak ṭhin eng emaw zat chu a thlak dawn a, one-point single tax chu hman a ni dawn a ni. Tax lakna - state VAT, central sales tax, luxury tax, entry tax, entertainment leh amusement tax te chu hlawm khatah awmin GST hian a huam vek tawh dawn a ni. A lo berah state sorkar chuan 50% tal Constitution (One Hundred and Twenty-Second Amendment) Bill, 2014 a hman a ngai dawn niin finance minister Himanta Biswa Sarma chuan a sawi bawk.

Sorkar laipui chuan GTS Bill hi a lo pass tawh a, kum 2017 April aṭanga hman ṭan tum a ni.