Assam sorkarin zángnadawmna tipung dawn

Assam sorkar chuan sai-in mihring a beih avanga nunna chante hnena zángnadawmna cheng nuai khat a pek ṭhin chu, cheng nuai thumah tihpun a nih tur thu a puang.

Assembly-a zawhna chhangtu state forest minister Pramila Rani Brahma chuan, kum 16 kal ta chhungin district 22-a mi 1,024 zet te chuan sai avangin nunna an chan tih a sawi. Thi zinga 770 te hi tun hnai kum 10 chhunga mite an ni a, state sorkar chuan thi chhungte hnenah hian zángnadawmna cheng nuai khat a pe ṭhin tih a sawi. Brahma chuan zángnadawmna hi thi 1,024 zinga chhungkaw 972 te hnenah pek a ni tawh tiin, Congress sorkar khan thi zawng zawng chhungte hnenah zángnadawmna hi a pe vek lo tih a sawi. Tun hnai kum 10 kal ta chhunga nunna chan 770 zinga 718 chhungte hnenah zángnadawmna hi pek a ni, a ti bawk.

Thi tam zawk hi sai sualin an in an tihchhiat sak hnua an chilhlum zuite an ni a, a ṭhen hi chu an lo beih letna lama nunna chante an ni.

Brahma chuann sai leh mihringte kara buaina chhuak fo chu titawp tura hmalak a nih tur thu sawiin, sai ten mihring an beih fo avangin mipuite him zawkna turin solar powered fencing siam a ni angm a ti. Heng bakah hian mihring te himna turin elephant-proof trenche, cracker leh high-power search light te hmun eng emaw zatah dah a nih tur thu minister chuan a sawi.