Arunachal: BJP president thar Kaling Moyong

Pasighat East MLA hlui Kaling Moyong chu Bharatiya Janata Party (BJP), Arunachal Pradesh unit President atan thlan a ni.

Kum 54 mi, Kaling Moyong hi East Siang district-a Pasighat mi niin 2003 aṭang khan politics-ah lutin anchal samiti member a ni ṭhin. Kum 2012 khan BJP zawmin, 2014 khan Pasighat East MLA atan thlan tlin a ni a, 2019-ah pawh thlan nawn leh a ni bawk. Moyong hi sorkar thupuangtu leh urban development and municipal administration minister adviser a lo ni tawh ṭhin.

Moyong chuan state BJP president atana thlan tlin a ni chu lawmawm a tih thu sawiin, amaha rinna an nghah ngam avangin a lawm thu a sawi bawk. Arunachal Pradesh BJP tih chak nan hna a thawh nasat tur thu a sawi a, district president leh mandal-and booth-level worker te nen thawhhona neih ṭhat a pawimawh thu a sawi bawk.