Assam: SKorea leh Japan tlawh turin CM zin

Assam chief minister Himanta Biswa Sarma chu Pathianni khan South Korea leh Japan tlawh turin a zin chhuak. State sorkar buatsaih February thlaa neih tur, Advantage Assam Summit 2.0 a telpui turin investor te leh entrepreneur-te a sawm dawn a ni.

Chief Miniser hi South Korea-ah ni thum a cham dawn a, a cham chhung hian summit pholanna roadshow-ah a tel ang. Hetiang hun hi ram pariat-ah neih a ni dawn bawk a ni. South Korea-a industry hruaitute a kawm bawk ang.

South Korea aṭangin Japan lam a pan ang a, Japan-ah ni hnih a cham ang. A zinna ram pahnih ah hian AdvantageAssam2 hmathlir te chu investor, entrepreneur leh sumdawng hruaitute nen sawihona hun an neih tur thu Pathiannia a social media-a thuchhuah a siamah a tarlang.

Assam chu South East Asia gateway a nihna ti lang turin leh prime minister Narendra Modi Act East Policy hmanga ram ṭhenawm te nen inthlunzawmna ṭha an neih theihna turte a ngaihtuah dawn a ni.

Advantage Assam 2.0 roadshow hi Seoul-ah January 19-21 chhung neiin Tokyo ah hian January 21-24 hian neih a ni dawn bawk.

Advantage Assam conclave hi February 25-26-a neih tura ruahman a ni a, prime minister Narendra Modi-a'n a hawng dawn a ni. Chief Minister bakah cabinet minister leh an state-a mi pawimawh tak takte chuan ram hrang hrang-ah summit ti lar tur hian hma an la a ni.