Meghalaya: Police ten a thlawnin helmet sem

Meghalaya-a Ri-Bhoi police te chuan Meghalaya Day leh Republic Day 2025 denchhenin a thlawnin helmet an sem.

He campaign hi naupang leh hmeichhiate bakah kum upa zawk te tana tih niin, helmet hman uar leh nunna chhan inzirtirna hun atan an hmang a ni.

Police official-te chuan naupangten helmet khum pawimawhna an hriat chuan an chhungte thleng pawhin an hriat ve phah dawn a ni tiin, naupangte hi force tih chakna atan mi pawimawh tak an ni, an ti.

Venhimna chak zawka kalpui a nih theihnan checkpoint 24/7 atan siam a ni a, hetah hian lirthei khalhte chu helmet an khum leh khum loh enfiah an nih dawn bakah motor-a chuangte chuan seat belt an hren leh hrenloh an enfiah ṭhin dawn a ni.

Meghalaya chief minister Conrad K. Sangma chuan police-te hmalakna chu a fak thu a social media-ah tarlangin, he campaign hian a bik takin ṭhalaite lirthei khalh kawngah fimkhurna a thlen dawn a ni, a ti.

Ri-Bhoi police official chuan an helmet sem vang hian nunna pakhat tal pawh a chhanhim thei a nih chuan an lawm hle tur thu a sawi.