Assam : Dan phah loha lungalhthei khur siamtu 19 man phut

International Human Rights Council (IHRC), Tinsukia District Committee, Assam chuan Assam-a dan phal loha lungalhthei khur siamtu mi 19 te man phutin, an thil phut ti hlawhtling turin sorkar chu darkar 48 hun an pe.

Man tura an phutte hming Assam Geology leh Mining Department ten 2019 khan Superintendent of Police, Tinkusia ah report an lo thehlut tawh a ni. Report an thehluh hnu hian tun thlengin hmalakna leh hremna kalpui a la ni lo thung.

Thawhṭanni khan Assam director general of police, GP Singh-a'n dan phal loh lungalhthei khur siam khar vek tura thuchhuah a siam a, hei vang hian Margherita leh Ledo-a lungalhthei khura thawkte chu an lo tlanchhuak tawh hlawm a ni.

IHRC Tinsukia District Committee general secretary, Ratan Singh chuan hnathawktu tlanchhiate hian hun rei tak IHRC in alo buaipui tawh, dan phal loh lungalhthei khur siam a nih zia a tilang chiang hle a ni, a ti. Thuneitute chu hma an lak loh vangin a dem hle a, 2019-a chhuizuina an neih tih tawp a nih chhan leh tu hlawkna atan nge venhim an nih tihte a zawt.

Tun hnaia dan phal loha lungalhthei khur siam khar tura thuchhuah an siam chu Singh leh IHRC te chuan kalpui ngei se an duh thu an sawi. Council chuan mi 19, a hun taka an man loh vang hian dan phal loha lungalhthei khur siam chu enzui lohin an siam chhunzawm leh dawn a ni, an ti.

IHRC chuan mipuiten thuneitute lakah rinna an nghah a, dan leh thupek kenkawh a nih theih turin dan loa lungalthei khur siamte chu rang taka tih tawp vek a ṭul thu a tarlang.