Sikkim: Fund ṭhahnem tak dawng dawn

Sikkim tlawha zin, 16th Finance Commission chairman Dr. Arvind Panagariya chuan January 20-a Gangtok-a press conference a neihah, Sikkim chuan dan siam thar hmangin puihbawmna ṭhahnem tak a dawn tur thu a sawi.

Dan siamṭhat rawtna hi state te zawk, ramri hrula awm leh tlangram state, hmasawnna thlen mumal lohna atana siam a ni.

Dr. Panagariya chuan resource lama an hnathawh an ennawn aṭangin, Sikkim chuan mamawh leh harsatna an neihna lai te hmuhsakin, hamṭhatna an siamsak tur thu a sawi.

Finance Commission hian central tax-a sorkar laipui leh state sorkar ṭhen hran danah state sorkarin an share an dawnna tur nghawng thei criteria te siam danglam a rawt bawk. Finance Commission criteria tharah hian, state chhunga mipui awm zat a zir zelin fund hi pek an ni chhunzawm dawn a ni.

Dr. Panagariya chuan Sikkim chu state lian lo tak ni mah se hmaih an nih loh nan hma an la dawn tih a sawi. Geographical leh infrastructure lama harsatna leh hrekna an tawrh ṭhin lak ata kan hruai chhuah a ngai a ni, a ti.

Sum enkawlna lama discipline neih ṭhat leh sorkar siamṭhat chu resource lama hmasawnna atan a pawimawh thu sawiin, Dr. Panagariya sum leh pai enkawl thiam te chuan share an neih tam tur thu a sawi bawk.

Kum enge maw zat chhungin Sikkim chuan mipui vantlang sum enkawl kawngah te, digital governance leh anti-corruption an kalpuina chuan hma a sawn nasa hle a, Sikkim chu e-governance hman lamah a sulsutu an ni, a ti.