Act East Policy - hmasawnna thuah hnih : Meghalaya Governor

Meghalaya Governor V Shanmuganathan chuan hmarchhak chu India leh Southeast Asia ramte inkarah awm a nih avangin Act East Policy kalpui mekah kawng tam takah hmasawnna a nei thei dawn niin a sawi. Act East Policy chu India ramin a ṭhatpui mai bakah hmarchhak tan a ṭangkai theih dawn em avangin hmasawnna chu a thuah hnih hle a ni, a ti.

Governor chuan “Act East” policy chuan South East Asian Region te tan kawng a sial mek a, chu chuan India leh Southeast Asia ramte inkarah inlaichinna ṭha leh hmasawnna kawng a siam mek a, hei hi hmarchhak chuan nasa takin a chhawr thei dawn niin a sawi.

Meghalaya Governor chuan British hun lai
aṭang tawhin hmarchhak leh India ram hmun
ṭhenkhat bakah Southeast Asian ramte chuan kawng hrang hrangin insumdawn tawnna bul an lo ṭan tawh a, hei hian skill development, agricultural, manufacturing leh energy lamah te rah a lo chhuah tawh ṭhin a ni, a ti. Kawngpui hmanga Northeastern regions leh ASEAN ramte thlunzawm chu hmasawnna atana thil pawimawh tak a ni, a ti bawk.

Governor V Shan-muganathan hian lehkhabu “Constraints & Challenges to Social Science Research in North East India” Professor LS Gassah leh Dr. CJ Thomas ten an buatsaih chu a tlangzarh nghal a ni.