Nagaland-ah Hmeichhe tan 33% seat hauhsak

Nagaland Chief Minister TR Zeliang chuan Nagaland Municipal Act, 2001 hnuaia Urban Local Bodies leh Town Councils thlanna neih turah hmei-chhe tan seat 33% hauhsak an nih tur thu a puang.

Hmeichhia te tana seat hauh sak tur hian Naga Mothers Association (NMA) chuan state sorkarah ngenna an lo siam tawh a, hemi chungchangah hian Land Resources department chuan NBCC convention hall, Kohima-ah conference a buatsaih. He hun hmanpuitu Ze-liang chuan, August 10-a Cabinet meeting chuan hmeichhe tana seat 33% hauhsak hi a remti tih kalkhawmte hmaah a sawi a, Urban Local Bodies leh Town Councils inthlan hun tur pawh tihfel thuai a nih tur thu a sawi bawk. Hetih lai hian tribal organisation te chuan hmeichhe tana seat hauhsak hi an thlawp lo tih an sawi. Zeliang chuan NMA, Joint Action Committee on Wo-men Reservation chuan hmeichhe tan seat 33% hauhsak an nih theih nan hian Supreme Court-ah an zualko niin a sawi.

CMO media cell press release chuan Cabinet meeting chuan municipal tilian turin ruahmanna a siam a, Department of Municipal Affairs-in Town Councils dinbelhna tura rawt-na chu pawm a nih thu a tarlang. Ruahman dan chuan Town Councils hi Bhandari, Chozuba, East Dimapur, Longkhim, Mangkolemba, Pungro, Tening, Tizit leh Tobu town-ah te din a ni dawn a, Urban Station Committees pawh - Athibung, Chessore, Chuchuyimlang, Tsudikong leh Yisemyong khuaah te din tura tih a ni. Heng bakah hian Sub-District Industrial Centres paruk - Atoizu, Mangkolemba, Meluri, Noklak, Tizit leh Tuli-ah te cabinet chuan din a remti bawk a ni.