Kalikho Pul thih dan chhui chiang dawn

Arunachal Pradesh Chief Minister Pema Khandu chuan an chief minister hlui Kalikho Pul thih dan chu chhui chian a nih tur thu a sawi.

State chhunga dan leh thupek khauh zawka ken kawh a nih theih nan, chief minister, Chief Secretary Shakuntala Doley Gamlin, DGP S Nithianandam leh Principal Secretary (Home) Satya Gopal te chuan Inrinni khan high-level meeting an nei a, meeting-ah hian Khandu chuan Pul-a thih dan chu chhui chian a nih tur thu sawiin, IGP chu mawhphurna la tura ruat a ni.

Hetih lai hian Aruna-chal Pradesh Governor Jyoti Prasad Rajkhowa chu damlohna avanga thla ruk zet chawlh a lak hnuah Irinni khan a hna a zawm leh tawh nia tarlan a ni. Rajkhowa hi AP-a President's Rule puan a nih theih nan hmalatu leh dik lo tak cheah puh a ni a, damlohna avangin thla ruk zet a chawl a ni. Rajkhowa awm loh chhung hian Tripura governor Tathagata Roy chuan AP Governor nihna a lo chelh lai lawk a ni. Khandu leh Governor Rajkhowa te hian Raj Bhawan-ah inkawmna an nei nghal a, Pul-a thih dan pawh an sawidun rin a ni.