Agartala-ah Congress ten bandh huaihawt

Tripura-a Agartala Muni-cipal Corporation (AMC)-in wealth tax la tura ruahmanna a siam duh lohna lantirin Congress party chuan Tri-pura khawpui Agartala-ah Zirtawpni khan darkar 12 awh bandh an huaihawt.

Bandh huaihawt hian nunphung a tibuai hle a, dawr leh sumdawnna hmun te khar a nih bakah lirthei che vel hmuh tur a vang hle. Sorkar office eng emaw zat khar a ni bawk. Police te chuan nawrh hauihawttu mi 45 vel an man tih West Tripura district police chief Abhijit Saptarshi chuan a sawi. Man zingah hian Congress president Birajit Sinha leh Congress legislature party chief Gopal Roy te pawh an tel.

State Congress chief Birajit Sinha chuan mipuiten an thlawp ṭhat thu sawiin, boruak muanawm tak hnuaiah zawh fel a ni, a ti. Wealth tax lak chu an duh loh thu sawiin, titawp turin an ngen tih a sawi.

Hetih lai hian Tripura Urban Development Minister Manik Dey chuan Congress party chet dan chu a dem thu sawiin, dan kalh a ni a ti. Sorkar laipuia Congress-in thuneihna a chan lai khan urban area-ah wealth tax tipung tura hmalak a nih tawh thu a sawi bawk.