Gas Pipeline-in hmarchhak paltlang dawn

Oil and Natural Gas Corporation Limited Executive director S.C. Soni chuan Bang-ladesh-Myanmar-India thunzawmna tur Gas Pipeline siam a nih tur thu a sawi.

Gas Pipelines siam tur hi km 6,900 zeta thui a ni dawn a, India ramah chuan hmarchhak state te leh West Bengal chu a paltlang dawn a ni. Hei hi 'Hydrocarbon Vision 2030 for North-eastern region' hmalaknaa kalpui a nih thu Soni chuan a sawi. Pipeline hian Sitwe (Myanmar)-Chittagong (Bangladesh)-north-eastern states Siliguri leh Durgapur te a thlunzawm dawn a ni.

Bangladesh Petroleum Corporation (BPC) leh Indian Oil Corporation (IOC) te chuan kumin April thla khan inremna thuthlung an lo ziak tawh a ni. Liquefied Petroleum Gas (LPG) hralh chhuah kawngah Assam-a Numaligarh Refinery Ltd (NRL) leh BPC Siliguri, West Benggal ten inremna an siam tawh avangin he pipeline siam tur hi a ṭangkai thei hle tura ngaih a ni.