Sikkim-ah leiminin lui a hnawh

Sikkim-ah ruah sur nasa tak avangin lei a min a, hei hian mipuite tan harsatna nasa zawk a thlen theih thu tarlan a ni.

District thuneitute chuan leimin hian Kanaka lui leh a fintu Teesta chu a hnawh tih an sawi. Hei hian tuikhuah feet 150 zeta zau a siam a, hei hi a kianga awm Dikchu, Makha, Singtam, Rangpo khua bakah north Bengal lam tan a him tawk lo tih an sawi.

Tuilian hian Mantam khuaah chuan in panga a chim pil tawh niin an sawi a, tui chim chin hi a sang chho zel bawk. In leh lo chhuahsan te chen lailawkna turin relief camp pahnih sak a ni a, mipuite chu fimkhur tura chah an ni. National Disaster Response Force chuan tuilian tuarte chhanchhuah hna thawk tur hian Sikkim hi an pan nghal a ni.