Assam: Dan loa siam lungalhthei khur 12 tichhia

Assam-a Tinsukia district thuneitute leh Assam Police te chuan Thawhlehni khan district chhunga dan phal loha lungalhthei khur siam an ti chhia.

District official, police leh North Eastern Coalfields (NEC) official team te chu he hmalaknaah hian an thawk ho a ni.

Dan phal loha lungalhthei khur siam an tih chhiatte hi Ledo, Tirap, Tikak leh Namdang hmuna mi niin, heng lungalhthei khur, tun hnaia an rauhsan tak te hi excavator hmanga tihc hhiat an ni.

Executive Magistrate Pronamika Konwar chuan hmalakna hi enpuiin, an bial chhunga dan loa lungalthei khur siamte tih chhiat chhunzawm zel a nih tur thu a sawi.

Kar liam ta Inrinni khan Tinsukia district-ah vek hian dan loa lungalhthei khur siam 13 chu kharsak an lo ni tawh a, Bittu Pahar-ah excavator an hmante pawh mansak an ni bawk.

Khur tih chhiat hna hi zing dar 8:30 aṭanga thawk ṭanin district lam thunetute bakah North Eastern Coalfields leh Assam Power Distribution Company Limited official-ten an telpui bawk a ni.

Assam director general of police, GP Sing chuan an state-a dan phalna nei loa lungalthei khur siamte chu kar khat chhunga khar sak vek an nih tur thu a lo sawi tawh bawk. Hei vang hian Goalpara, Dhubri leh Hailakandi-a khura thawk mi tam tak chuan an awmna hmun an lo chhuahsan tawh a ni.