Nagaland: State-of-the-art Radio Diagnostic Centre hawng

Nagaland Department of Health & Family Welfare leh Tikvah Healthcare Private imited (THPL) te ṭangkawp chuan state-of-the-art Radio Diagnostic Centre, Dimapur District Hospital ah an hawng a, helai huamchhunga diagnostic healthcare awlsam zawka hman a nih theihnana buatsaih a ni.

He project hi Public-Private Partnership (PPP) model hnuaia sak a ni. Private hospital te aiin 20-40% in a tlawm zawk dawn a, he hmalakna hi mipui tam tak tan hman ṭangkai theih a ni dawn a, CMHIS leh Ayushman Bharat scheme hnuaiah mi harsa zawkten an hmang thei bawk ang.

Cutting-edge diagnostic hmanraw hmanga thuam a nih bakah, CT scan system, ultrasound device leh digital X-ray te pawh a awm bawk.

Sorkar chuan he hmunah hian nileng zankhuaa service kalpui an tiam a, in-house radiologist pawh dah niin, diagnostic result tepawh a dik taka tih chhuah leh a hun taka damlo enkawl an tiam bawk.

THPL hian a thawh hnihnaah MRI Technology dah a tum bawk. Hei hian Dimapur diagnostic inenkawlna lam a thuam chak dawn a,damdawi lama inenkawlna hmun ṭha takah a siam thei dawn a ni.