Hmarchhaka journalist 14-ten Maha Kumbh 2025 chhim

Hmarchhak biala journalist 14-te tan January 21-23 chhung khan Press Information Bureau (PIB) leh Uttar Pradesh sorkar thawk dun chuan Media tour an buatsaih sak. Tour neia kalte hian Prayagraj-a Maha Kumbh 2025 an chhim nghal a ni.

Media tour-ah hian Arunachal Pradesh, Assam, Manipur, Meghalaya, Sikkim leh Tripura aiawhte an kal a, khawvela sakhaw thila punkhawmna lian ber, Maha Kumbh hi an chhim a ni. Maha Kumbh 2025 hi January 13 khan nei ṭanin, February 26 thleng a awh ang. Kuminaah hian he hun hmang tura kal hi mi vaibelchhe 45 chuang an tlin rin a ni a, heng zingah hian India ram pawn aṭanga tel nuai 15 an awm rin a ni bawk. Kaha Kumbh hi khawvelin a ngaihven hle a, journalist-te tan pawh biakina kalte chungchang leh an tih dan te, Sadhu te chanchin chiang zawk an zir leh hriat theihna remchang a ni.

PIB media tour hi ram chhung bial hrang hrang tan buatsaih a ni bawk. Tour neih chhungin journalist-te hian Uttar Pradesh sorkarin an state cultural, spiritual leh historial heritage a pho lanna, Darshan Madapam an tlawh. Hei bakah art and cultural hub, Kalagram an tlawh bawk a ni. Press tour-ah hian 5D Exhibition titled “Immersive Cultural Experience” pawh telh niin, 360 degree visual, sound pui tak leh technology dangdai tak hmangin Ganga Avtaran leh Samudra Manthan te chanchin lantir a ni.