Meghalaya : Ruihhlo leh a kaihhnawih Rs vbc 53.86 man hu tichhia

Meghalaya sorkar chuan January 23 khan ruihhlo leh a kaihhnawih Rs vbc 53.86 man hu chu state chhunga ruihhlo dona kal zelah an tichhia.

Chief minister Conrad K Sangma kaihhruai, Meghalaya Police-a Drug Disposal Committee hnuaia high level leh district level chuan Star Cement Ltd., Lumshnong, East Jaintia Hills District-ah ruihhlo dap beihpui an thlak a, hetah hian ruihhlo leh a kaihhnawih Rs vbc 53.86 man hu hmu chhuakin an ti chhia a ni.

Beihpui thlakna hlawhtling tak an neih hnuah, Chief Minister Sangma chuan ṭhalai tamtak nun ti chhetu, ruihhlo leh a kaihhnawih thilte nuaibo tura state sorkarin hma a lak chhunzawm zel tur thu a sawi.

CM Sangma a kaihhruai sorkar chuan Drug Reduction, Elimination, & Action Mission (DREAM) kaltlangin ṭhalai, ruihhlo hmansual avanga harsatna tawkte chhanchhuah hna a thawh mek thu a sawi bawk.