Tripura-ah polygraphy test facility hmang dawn
Tripura-a State Forensic Science Laboratory (SFSL) chuan pawikhawihtute dawpna atan polygraphy test neihna tur, lie detection machine hman a nih tur thu a sawi.
SFSL thuchhuak chuan dawtsawi leh sawi lote man chhuahna tur, lie detection machine lei tur chu state cabinet-in a pawmpui tawh thu leh crime investigation unit thar hawn nan fund ruahman a nih tawh thu a tarlang.
Pawikhawihtute dawp nan lie-detector hi hman phal loh tia hriat a ni a, mahse Supreme Court chuan kum 2010, thuchhuah a siamah investigation agency te tan khuahkhirhna siamin, polygraph chu hman phal a ni tih a tarlang.
Supreme Court chuan pawikhawihtua rinhlelhte lakah lie detection test neih a nih dawnin, thubuai chhuitute chuan judicial magistrate leh a lawyer te hmaah test neitu tur phalna an nei hmasa tur a ni, a ti.
Tripura SFSL official chuan state forensic laboratory chu tun lai thiamna leh technology hmanga thuam ṭhat an tum thu sawiin, e-court programme hnuaiah kum 2013, August khan India rama a hmasa ber, Cyber Forensic Laboratory (CFL) an hawn tawh thu a sawi.