Churachandpur ADC-ah independent te ṭangrual

Churachandpur Autonomous Dis­trict Council inthlanna neih zawh takah party mala sorkar siam thei an awm loh avangin independent member 18 te chuan ṭangrual pawl an din.

Independent MDC 18 te hian Hill People’s Alliance siamin, Chura­chandpur ADC-ah sorkar siam an tum a ni.

Member 24 awmna ADC inthlanah hian party langsar Congress leh BJP te'n hnehna an chang zo lo a, independent-a tling 18 te hian ṭanrual an rel ta a ni.

Hill People’s Alliance chuan party leader-ah Langkhonpao Guite a ruat nghal a, Election Commission aṭangin party pawmpui a dil nghal bawk.

Independent candidate te chuan inthlan hnuhnung ber khan Congress an lo thlawp tawh a ni.