NDFB(S)-in UNLFW a zawm

Assam-a Bodo helpawl, National Democratic Front of Bodoland (Song­bijit) chuan hmarchhak hel ṭangrual United Liberation Front of Western South East Asia (UNLFW) a zawm.

UNLFW hi June 4-a Manipur-a sipai 18 thihna thlentu, 6th Dogra Regiment te lambunnaa mawhphurtua puh an ni.

Security force intelligence chuan NDFB(S) helte lakah hian Assam, Chirang district-ah beihpui thlak chhun­zawm zel a ni, a ti a, an mi leh sa ṭha­hnem tak man an nih tawh thu a sawi.

NDFB(S) helte hi nikum December thlaa Assam district pathuma Adavasi mi 80 chuang thihnaah a mawhphurtua puh an ni a, hemi hnu hian security force te chuan an lakah beihpui an thlak nghal.

Army official chuan NDFB(S) helte'n UNLFW an zawm ta chuan helpawlte a tihchak phah a rin thu a sawi.