Naga nurse te nuar dawn

Nagaland Staff Nurse Association Nagaland (NSNA) chuan June 26 aṭang­in a tahtawla nawrh huai­­hawt a tum thu a puang.

Nurse te hian service rules leh promotion te chu a nihna ang taka kalpui phutin nawrh an huaihawt an tum a ni.

NSNA president Cathe­rine leh secretary Tovili chuan pawl thuchhuah an siamah an thil phut kaihhnawihah hian nikum November 24 aṭanga 26 thleng nawrh an huaihawt tawh thu an tarlang a, state sorkarin an thil phutte bawhzuisak a tiam avangin an chawlhsan a ni, an ti.

State sorkar chuan Nur­sing Service Rules zirchiang turin committee a din a, committee chuan 1988 Service Rules chu siamṭhat a rawt a, hei hi NSNA chuan a pawm thei lo a ni.

NSNA chuan com­mittee rawtna chu BSc nursing/diploma neite hamṭhatna tur chauh a ni, a ti a, General Nur­sing Staff Nurses te hnuai­chhiahna a ni, a ti.