Nagaland : CM in vote thlak pawimawh zia sawi

Nagaland chief minister Neiphiu Rio chuan National Voter's Day, January 25-a thu a sawiah mipuite chu inthlan leh a kaihhnawiha tel tam turin a fuih a, vote thlak chu mitin mawphurhna a ni, a ti.

Chief Minister Rio chuan vote thlak hian democracy chakna a pho lan bakah ram leh hnam hmakhua ngaih vanga inpekna a ni, a ti. National Voters Day-ah hian inthlan leh a kaihhnawiha tel tam turte, vote thlak pawimawh zia hre thar tura infuihna te an nei a ni.

National Voters Day-ah hian programme hrang hrang buatsaihin, Chumoukedima district-a Patkai Christian College-ah state level programme huaihawt a ni. He hun hi School Education principal director Thaveseelan K chuan hmanpuiin, democracy thuam chakna tura ṭhalaite pawimawhna te, inthlan kaihhnawihah an tel a ṭulzia thute a sawi. Pawn lam mite nawrna avanga buai mai lo tur leh, an mawhphurhna a ni tih hriaa vote thlak ngai pawimawh turin kal khawmte a chah. Ṭhalaite chu an inthlanah an mawhphurhna hria a, an chhungte tan pawha entawn tura awm turin a fuih a ni.