Meghalaya : CM in First Referral Unit hawng

Meghalaya chief minister Conrad K. Sangma chuan January 25, 2025 khan South West Khasi Hills District-a Ranikor Community health Center (CHC) ah First Referral Unit (FRU)) a hawng.

FRU hawn tharah hian obstetric care, surgical service leh critical care awmin, nu leh nausen bakah mimal himna leh hriselna enkawlna kawnga ṭangkai tak tur a ni.

CHC leh FRU te thawm ṭhat hi state sorkarin healthcare delivery-a harsatna an tawh ṭhin tih rehna tur leh, district leh tertiary damdawiin phurrit tih tlem nana a hmalakna a ni bawk.

Ranikor FRU hi a hmalakna thawh khatnaa a kalpui zinga mi niin, Mawphlang, Bhoirymbong, Pynursla leh Resubelpara ah te siam a ni bawk. A thawh hnihnaah hian Namdong, Riangdo, Patharkhmah, Selsella, Phulbari leh Dalu ah sak tura ruahman a ni.

Chief Minister Sangma-a'n Ranikor khaw mite chu inbiakna neihpui nghalin, an harsatna hrang hrangte ngaithlain, hmalak dan turte a sawipui a ni.CM Connect programme hi Ranikor-ah hian vawi ruk an hmanna niin, a hnuhnung ber hi Noinstoin-ah kum kalta December 2024 khan an lo nei tawh a ni. He inkhawmah hian CM Sangma chuan sorkar chu mipuite tan a ni a, CM Connect chu sorkar hmalakna niin, rintlak leh hman ṭangkai theih tura buatsaih a nih thu a sawi.