BGB-in ramri-ah outpost 40 hawng dawn

Border Guards Bang­ladesh (BGB) chuan Tri­pura leh Mizoram ramri hrulah border outpost (BOP) thar 40 a hawnbelh dawn.

Border Security Force’s (BSF) Tripura Fron­tier Inspector General Bhola Nath Sharma chuan he thu hi BGB official-in a hrilh tih a sawi a, Chittagong Hill Tracts (CHT)-a BOP thar hawn belh tur chu ramri venhim kawngah an ṭangkaipui a beisei thu a sawi.

BSF leh BGB official te'n June 8-a Shillong-a meeting an neih ṭumin hemi chungchang hi an lo sawi dun tawh a, ramri venhimna khauh zawka kalpui an rel bakah ramri kana pawikhawihna thleng ṭhinte dolet dan kawng an ngaihtuah bawk.

Ramri venhimna chung­­changah BSF leh BGB official te chuan Tripura leh Bangladesh ram­ri hrula district thu­nei­tute nen June 24 hian mee­ting neih leh an rel bawk.

India leh Bangladesh hian ramri kilometre 1,880-a thui an inṭawm a, heng zinga kilometre 856 hi Tripura-ah awmin, a dang chu Meghalaya (km 443), Mizoram (km 318) leh Assam (km 263) ah a awm.