Tharum thawh do let nan sakhaw zirtirna a ṭha: Rijiju

Union Minister of State for Home Affairs Kiren Rijiju chuan sakhaw zirtirna chu tharum thawh do letna atana a ṭhat thu sawiin, security force aiin a chak zawk a ni, a ti.

"Buddhist sakhaw hruaitute ka hmuh apiangin sakhaw zirtirna thu chu police leh armed force te aia a chak zawk thu ka sawi chhuak ṭhin. Sakhaw zirtirna thu hmun tinah puandarh a nih chuan tharum thawh do letna atan tharum hman a ngai lo ang," tiin a sawi.

Rijiju chuan India ram venhimna chu mi tam takin an tihchak loh thu sawiin, hmarchhak bial, Kashmir leh central India-ah buaina a thlen ṭhin thu leh India ram tihchhiat an tum thu a sawi.

"Tualthahna leh buaina nasa takin a thleng a, tharum thawh tihtawp nan tharum vek kan hman a ngai ṭhin. Hei hi thil duhawm tak a ni lo," tiin a sawi bawk.