Manipur governor thar Dr Najma

Sorkar laipui chuan Manipur Governor thar atan Dr Najma Hep-tullah-i a ruat a, V Sha-muganathan VP Singh Badnore a thlak ang.

Union Minister pawh lo ni tawh ṭhin Najma Heptulla, Manipur Governor atana ruat a nih thu hi Nilaini khan puan a ni. A thlak tur Rajya Sabha MP hlui VP Singh Badnore chuan Punjab Governor nihna a chelh ang. Hetih lai hian Assam Governor thar tur pawh puan a ni a, Lok Sabha member ṭumthum zet lo ni tawh Banwarilal Purohit chu ruat a ni. Purohit hian Central India chanchinbu, 'The Hitavada' managing editor hna a lo thawk tawh ṭhin bawk.

Heptulla-i hi kum 76 a ni tawh a, thla hmasa khan Minority Affairs Minister a nihna aṭangin a bang a ni. Meghalaya governor V Shanmuganathan hian hun eng emaw chen chu Manipur governor hna hi a lo kawp tawh a ni. Hetih lai hian Nagaland governor Padmanabha Balakrishna Acharya pawh Assam Governor hna chelh kawp lailawk tura tih a ni.

Dr Najma Akabari Heptulla-i chanchin tlangpui :

ρ April 13 1940 khan Madhya Pradesh-ah a piang a, India politician hriat hlawh tak a ni

ρ Vikram University, Ujjain atangin Masters' of Science Degree a zo a, Zoology-ah PhD degree a nei

ρ Bharatiya Janata Party (BJP) vice-president a ni tawh

ρ Rajya Sabha member term nga (1986-2012) chhung a ni tawh

ρ Kum 16 chhung Rajya Sabha Deputy Chairman a ni

ρ Kum 2012-ah BJP ticket-in Madhya Pradesh aṭangin Rajya Sabha MP turin a ding

ρ Actor Aamir Khan-a second cousin a ni

ρ August 2007 khan vice-presidential election-ah a ding a, Hamid Ansari chu vote 233 in a hneh lo

ρ Narendra Modi chuan cabinet minister atan kum 2914, May 26 khan a ruat

ρ July 2016-ah Minority Affairs Minister nihna a bansan

ρ August 17 2016-ah Manipur Governor atan ruat a ni