Meghalaya Residents Safety and Security Bill 2016 ennawn

Meghalaya sorkar chuan Meghalaya Residents Safety and Security Bill, 2016 chu pharh a nih hmain a ennawn a, Legislative Assembly neih hmaa ennawn leh tura tih a ni.

Bill ennawn hi State Assembly Select Committee ten an buatsaih a ni a, Chief Minister Dr. Mukul Sangma-a'n a kaihhruai a ni. Chief minister chuan Meghalaya Residents Safety and Security Bill, 2016 chungchangah rawtna tam tak a awm tih sawiin, Assembly-a pharh a nih hmain vawi khat ennawn leh tura tih a ni, a ti. Bill chu a ṭul dan anga Select Committee ten an siamrem hnuah pharh a ni ang, a ti bawk.

Kumin March-a Budget Session neih a nih khan he Bill hi select committee te zirchian turin an lo dah tawh a, expert-te chuan siamrem ngai tam tak a awm niin an sawi. Meghalaya Residents Safety and Security Bill, 2016 hi dan loa pem lut venna tur leh ram leilung fate himna tura duan a ni.