Assam-ah dengue vei 458 hmuchhuak tawh

Tun hnai khan Assam-a Kamrup-ah dengue vei 66 hmuhchhuah leh an nih tak avangin, he natna kai hi mi 458 an tling tawh.

Kamrup hi dengue vei tamna ber niin, a vei hmuh chhuah thar 66 te nen hian an vaiin mi 378 in an kai tawh a ni. Dengue hi a bikin hmeichhiaah a hluar nia tarlan a ni a, health worker te chu in tinah kalin, he natna hi a darh zel loh nan hma an la a ni. Mipuite chu dengue virus hnathawh dan leh a lanchhuah dante hrilh hriat an ni.

Assam-ah hian Ame-rigog, Kahilipara, Lal Ganesh, Odalbakra leh 9 Mile-ah te he natna kai hi hmuhchhuah an ni tawh. Amerigog-ah hian dengue vei 34 hmuhchhuah an ni tawh a, Kahilipara (34), Lal Ganesh (31), Odalbakra (11) leh 9 Mile-ah mi 13 an awm tawh a ni. State health department chuan mipui hnenah thosilen an sem chhuak a, school ṭhenkhatah awareness campaign an buatsaih bawk. Dengue hi thosi chikhat Aegypti seh
aṭanga kaichhawn theih a ni.