Ao Senden ten hmeichhe tan seat hauhsak duhlo

Nagaland cabinet-in hmeichhe tana seat 33% hauhsak a pawmpui an duh loh thu Naga civil society organisation, Naga Hoho ten an sawi hnuah, Ao Senden te chuan Urban Local bodies and Town Councils election neih tura hmeichhe tana seat 33% hauhsak an duh loh thu an sawi ve leh.

Ao Senden president Imolemba Jamir leh general secretary S. Panger Ao te chuan cabinet thutlukna hian a ṭhawn thu leh Parliament pawhin a pass hmaa lo hman chu an hriatthiam loh thu an sawi. Hmeichhe tana seat 33% hauhsak hian Indian constitution Article 371 (A) a bawhchhia niin an sawi bawk. Hei hian Ao ten an lo chindan ṭhin leh hnam dan a kalh niin an sawi a, Ao community-ah mipa leh hmeichhia an danglam lo tih an sawi.

Hei bakah hian Municipal Act hnuaia land and house tax chu an thlawp lo tih an sawi a, ULBs and Town Councils election lo awm tura hmeichhe tana seat hauhsak chu sút leh turin an phut tih an sawi. An thil phut a hlawhtlin hma loh chuan an do zel tur thu an sawi bawk.