GNLA ten Maghalaya-ah school Headmaster that

Garo helpawl, Garo National Liberation Army (GNLA) te chuan Thawhlehni zan khan Meghalaya, East Garo Hills-a Jingamgre SSA LP School headmaster Madison Ch Marak an that.

Madison Ch Marak hi an chenna inah silai kengte chuan luh chilhin an hruai chhuak a, an that zui ta mai nia tarlan a ni. District police chief Davis Nestell R Marak chuan Marak-a chhungte chuan FIR an thehlut nghal a, pawikhawihna thlenna hmunah hian police special team tirh nghal a nih thu a sawi. Helai bialah hian GNLA te chetna a hluar hle tih a sawi bawk.

SSA Teachers’ Association chuan he thil thleng hi an dem thu sawin, rawng taka mi nunna hlu tak lak sak chu thleng tawh lo se an duh thu leh thi chhungte an tawrhpui tak zet thu an sawi. Meghalaya Police te chuan Operation Hillstorm III tih hming vuahin GNLA te chettlatna hmun Durama Hills ramngaw-ah beihpui an thlak mek a ni.