Ramri depa refugee-te hamṭhatna siam sak an ni - Home Ministry

Home Ministry chuan Inrinni khan thuchhuah siamin, sorkar laipui chuan ramri depa refugee te tan kawng tam takah ham-
ṭhatna a siam sak tih a puang.

Home Ministry chuan hmar-chhak ramri dep hmun eng emaw zatah Afghanistan, Bangladesh leh Pakistan aṭanga ral tlante an awm tih sawiin, heng mite tan hian hamṭhatna kawng dap sak an nih thu a tarlang. Refugee te hi Hindu, Sikh, Buddhist, Jais, Parsi leh Kristian sakhua zuitute an ni a, kum hnih chhung atan Long Term Visa (LTV) pek ṭhin an ni. Sorkar laipui chuan heng mite hian affidavit siamin, LTV hi kum nga chhung atan pek ṭhin an ni tawh dawn tih a sawi. Zirna bakah sorkar hna thlenga a thawh theihna turin ruahmanna siam sak an ni bawk. Heng bakah hian sorkar laipui chuan bank account hawn te, driving licence, PAN card leh Aadhar number thlenga an neih a phalsak niin Home Ministry chuan chuan a tarlang.

Refugee te hian an awmna State emaw Union Territory emaw aṭangin hmun dangah LTV hi an transfer thei dawn a, hemi atana an pawisa sen ṭhin pawh Rs 100, Rs 200 leh Rs 500-ah te a tihhniam sak. Sorkar laipuia Narendra Modi-a kaihhruai NDA sorkar a din hnuah refugee mai bakah Hindu leh Sikh sakhaw zuitute tan hamṭhatna eng emaw zat siam a lo ni tawh. Modi-a chuan kum 2014-a Lok Sabha poll campaign lai khan Bangladesh
aṭanga Hindu leh Muslim refugee, India rawn pante tan hamṭhatna siam sak an nih tur thu leh India chu an chenna hmun tur a nih thu a lo sawi tawh a ni.

Home Ministry hian Gujarat, Madhya Pradesh, Rajasthan, Uttar Pradesh, Karnataka, Maharashtra, Andhra Pradesh, Haryana leh Delhi-ah te LTV neite tan district level special camp alo buatsaih tawh bawk. Refugee zinga LTV nei te chu sorkar laipui chuan foreigner quota-in an fate chu school, college, university leh technical bakah professional thlenga zirna an zawm ve theihna tur a lo ruahman sak tawh bawk.