CWC-in Sikkim sorkar-ah rawtna thlen

Central Water Commission chuan Sikkim-a Dzongu leiminin a hnawh, Kanaka lui chu hydroelectric project atana hman a nih avangin harsatna lian zawk a thlen mai a hlauhawm thu Sikkim sorkar a hriattir a, hmalakk dan turah rawtna a siam nghal bawk.

August 13-a leimin nasa takin a hnawh Kanaka lui hi a chim chin a san chhoh zel avangin lui mawng lama awm hydroelectric project of National Hydroelectric Power Corporation (NHPC), Teesta-V chu dinhmun ṭha lo takah a ding mek. Teesta-V hi leiminin lui luang a hnawhna hmun aṭanga a mawng lam km 21 vela awm a ni a, tui a kang chah avangin power pe chhuak mumal thei loin a awm mek. Kanaka lui hian a hnarlam km 4 vela thui a chim chhoh tawh bawk avangin, Dikchu, Makha, Singtam, Rangpo leh north Bengal-a khaw ṭhenkhat chuan harsatna an tawk mek a ni. Tui inkhuap hi a sah thut chuan lui mawng lama awmte tan a him lo hle tura ngaih a ni.

Central Water Commission (CWC) chuan Sikkim sorkar hnenah rawtna thlenin report a siam a, he rawtna hi National Hydroelectric Power Corporatio leh National Disaster Management Authority (NDMA) te a hriattir bawk.