Meghalaya-ah traffic dan bawhchhiate counseling pe

Meghalaya traffic police te chuan traffic dan bawhchhia an man te chu darkar hnih chhung counseling an pe ṭhin.

Traffic rule bawhchhiate tan hian school hawn a ni a, he hmunah hian dan bawhchhetute chu counseling pek an ni ṭhin. Kar kalta Zirtawpni khan traffic dan bawhchhia mi 100 te chu 'traffic rules and regulations' chungchangah darkar hnih chhung counseling neihpui an ni.

East Khasi Hills SP, M. Khark-rang chuan traffic dan bawhchhiat chu lungin tan theihna khawpa sual ni lo mah se mipuitena harsatna phah theihna leh thihna hial thlen thei a ni, a ti. Traffic rules instructor KK Ruchell chuan traffic dan bawhchhia mi 100 vel te chu counseling hi pek an ni tawh a, hetiang hun hi thla khatah vawi hnih neih ṭhin tum a ni, a ti. Dan bawhchhiate hi pawisa chawi tir loin slip pek an ni a, counseling nei tur hian ni ruat bikah koh an ni, a ti bawk.