Manipur High Court-in September 25 thleng hna thawk dawn lo

Manipur High Court-a thawktu pathum ten Covid-19 an kai tih hmuh chhuah a nih avangin September 25 thleng court hnathawh chawlh a ni rih dawn. 

September 16 khan thawktu pakhat chuan hri a kai tih hi hriat a ni a, hemi hnu hian High Court-a officer leh staff-te sample pawh lak  nghal a ni. Mi 278 test niin, heng zinga 112 result chu hriat a ni tawh. 

Imphal East Chief Medical Officer chuan High Court  hnenah hian sample test result hriat kim a nih hma chuan hna thawk rih lo tur leh, Covid-19 protocol zawm turin a ti.  High Court Bar Association leh High Court Employees Association pawhin September 27 hma chu hna thawk rih lo turin an ngen bawk.