Meghalaya-in maggi a khap
Dan phal loh, hmehhan (Monosodium Glutamate/MSG) telh a nih avanga India ram state hrang hrang te'n maggi noodle hralh an khap hnuah Meghalaya pawhin state chhungah thla hnih chhung atan maggi lakluh leh hralh a khap.
State Food Safety Commissioner Y Tsering chuan chicken maggi leh maggi 2-minute noodle-ah pasta leh noodle-a telh phal loh MSG hmuh a nih avangin hralh khap a ni, a ti.
Food Safety and Standard Act, 2006 chuan MSG hi mihring tana him lo tiin ei turah telh a khap a, hei vang hian Nestle India kutchhuak, maggi pawh hi siamchhuah, chhekkhawm, phurchhuah leh hralhchhuah khap a ni. Meghalaya sorkar chuan khapna thuchhuah a siam hi ni 60 chhung hman lailawk phawt a ni dawn tih a sawi.
India ram state ṭhenkhatten hralhchhuah an khap hnuah Meghalaya chuan maggi sample hi Guwahati-a Public Health Laboratory-ah endik atan a thawn a, test-ah hian MSG hmuh a nih vangin khapna thuchhuah a siam ta a ni.