Assam jail aṭangin tang tlanchhuak

Karbi Peoples’ Liberation Tigers (KPLT) hel, Karbi Anglong, Diphu district jail-a tangte chu Thawhṭanni zan khan an tlanchhuak.

Jail thuneitute chuan tangte hian jail hunga bang, iron railing ti­chhia­in an tlanchhuak tih an sawi a, railing chhia chu duty te'n an hmuh hnuah jail tang pali, KPLT hel te chu an lo awm tawh lo a ni, an ti.

Prison official chuan tlanchhuakte chu- Joy Tisso, Charan Sing Teron, Harison Teron leh Dutta Ingty te an ni, a ti.

Hetihlai hian Assam Chief Minister Tarun Gogoi chuan Director General of Police (DGP) Khagen Sharma chu jail venhimna khauh zawka kalpui nghal turin a hriattir a, tang tlanchhuah dan chu chhui chiang turin a hriattir bawk.