NRC update chungchang centre-ah thlen tum

Assam sorkar chuan electoral roll-a telte chu National Register of Citizens (NRC) update neih meka telh tumin, sorkar laipuiah ngenna thlen a tum thu a tarlang.

NRC update review meeting-ah Chief Mi­nister Tarun Gogoi chuan electoral roll-a telte chu India khua leh tui dik tak a ni tih sawiin, NRC-ah telh tur an ni, a ti.

NRC update kalpui mekah Assam-a hnam hnuaihnung zawkte tan hlauhthawn tur a awm loh thu sawiin NRC-ah telh vek an nih theih nan sorkarin theihtawp chhuahin hma a la mek a ni, a ti.

Mi ṭhenkhatin NRC form fill-up naa harsatna an tawh avanga hming ziahluh an hreh nia sawi chungchangah Gogoi chuan, India khua leh tuite tan buaina tur a awm loh thu leh khua leh tui nilote chu telh an nih loh tur thu a sawi.

District ṭhenkhata NRC update kalpui dan fel lo chungchangah De­puty Commssioner (DC) te chu harsatna enfiaha, chingfel thuai turin a hriattir nghal.