HC-in Tripura a dil danna bang tichhe dawn

Tripura High Court chuan South Tripura, Udaipur-a Tripureswari temple dil serh thiang­hlim, Kalyansagar dil danna bang tichhe turin state sorkar a hriattir.

HC chuan dila cheng rannungte humhalh a nih theih nan a danna bang chu tihchhiat a nih tur thu a tarlang a, a tihchhiat nan state sorkar chu kar hnih hun a pe.

Chief Justice Deepak Gupta leh Justice Subhashis Talapatra te awmna HC division bench chuan Chief Secretary chu dil chungchangah status report thehlut turin a hriattir nghal bawk.

Kalyansagar dil hi sumsi chikhat (Bostami turtle) te chenna a ni a, dil danna bang siam a nih hnuah inthlanpun lamah harsatna nasa tak an tawk a, hei hi a hungna bang siam a nih avang nia ngaiin HC-ah public interest litigation (PIL) thehluh a ni.