Meghalaya : Umiam-ah National symposium hmang

Ni thum chhung awh tur national symposium, 'Threads of Heritage: Exploring textiles and Natural Fibres' tih chu College of Post - Graduate Studies in Agricultural Sciences (CPGSAS), Umiam, Meghalaya-ah January 27-29 chhungin neih a ni.

College of Community Science, Central Agricultural University (CAU), Imphal leh ICAR-NINFET Kolkata, ICAR-CICR Nagpur, Deendayal Research Institute leh ICAR-CRIJAF Barrackpore te thawk ho chuan he hun hi an buatsaih a, India rama textile heritage pholanna leh hemi sector chawikanna tura an ruahman a ni.

Meghalaya chief minister Conrad K. Sangma chuan a hawnna session telpuiin, textile tradition humhalh pawimawh zia leh hmasawnna kawnga thlawpna pek pawimawh zia te a sawi. Expert, researcher leh kut themthiam tak takte telna tur platform siam a, traditional leh modern textile lama hriatzauna pho lan a ni chu lawmawm a tih thu a sawi bawk.

Madhya Pradesh MLA Archana Chitnis pawh telin, khawvel huapa textile lama India in hnuhma ṭha tak a nei theihna kawnga hma la tu a ni. Traditional textile chawi lar a, kut themthiamte thuam chak a, handloom industry hmasawn tir pawimawh zia a ni.

Traditional textile arts humhalh kawnga hma latu, hmarchhak biala kut themthiam eng emaw zat chawimawina hlan an ni a, chungte chu - Oman Siram Taki, Arunachal Pradesh; Padmashri Hemoprova Chutia, Assam; Kanmai Payun, Majuli; Ngairangbam Ibempishak Devi, Manipur,; Anita Koch leh Prosati Koch, Meghalaya; Patricia Zadeng, Mizoram leh Devi Kala Gurung, Sikkim te an ni.

Meghalaya leh Nagaland-a farmer-producer organisation te pawh Comilla cotton an chin leh humhalh avangin chawimawina hlan an ni bawk.