Naga People’s Front-in Manipur sorkar sawisel

Manipur-a Naga People’s Front (NPF) chuan tun hnaia Au­tonomous District Council (ADC) member-a thlan tharte lakluhna hun a tihkhawtlai chung­changah Manipur sorkar a sawisel.

Deputy Chief Minister Gai­khan­gam chuan ADC member thlan tharte lakluhna an tihkhaw­tlai chhan chu buaina chhuak thei venthawn thil a ni, tiin a lo sawi tawh a, NPF Manipur president Awangbow Newmai chuan he thu hi chhangletin, "Vauna leh thil hlauhthawnawm a awm anih chuan eng vangin nge a bawhzui thuai loh? Democracy kalphung tihkhawtlai nan chhuan lam a tling em?" tiin a sawi.

ADC Member te thutiama la a, member lakluhna neih tur tihkhawtlai chu MDC te suma leina atana hun leina mai a ni, tiin NPF Manipur thuchhuak chuan a tarlang.

Deputy Chief Minister chu de­­mocracy kalphung zah loah NPF chuan a puh bawk a, mipuite duh­thlanna zah loah a puh bawk.

"Sum leh thuneihna hmanga MDC thlan tharte lei tum loin ADC inthlana an chak loh chu a pawm mai tur a ni," tiin Manipur Congress President, Gaikhangam chu NPF chuan a chhanglet bawk.