Hmarchhak aṭangin ṭhalai ṭhahnem tak an chhuak - DoNER Minister

Union Minister of State for Development of North Eastern Region (DoNER) Dr Jitendra Singh chuan hmarchhak bialah zirna ṭha a awm loh vang leh hna thawh tur a tlem avangin ṭha­­lai tam takin hmarchhak an chhuahsan thu a sawi.

DoNER Minister Singh chuan tun hnaia hmarchhak ṭhalaite leh zirlai pawlte meeting a neihpui ṭumin he thu hi a sawi a, Rashtriya Avishkar Abhiyan (national inno­vation mission)-ah naupang kum ruk aṭanga 18, pawl khat aṭanga pawl 12 thleng zirlaite chu telh an nih tur thu a sawi.

Hmarchhak ṭhalaite tan India ram state dangte ṭha zawka thlunzawm an tum thu sawiin, hemi kawngah hian science leh technology-ah ṭha taka training pek an nih tur thu a sawi. Training pek an nih chuan hmarchhak ṭhalaite chuan state danga an ṭhalaipuite rualin Natio­nal Science Training Prog­ramme-ahte an tel thei tawh dawn a ni, a ti.

Singh chuan hmar­chhak bial aṭanga ṭhalai kal chhuak tam lutuk chu hmarchhak bial harsatna a ni, tiin a sawi bawk.