Bangalore University-ah NE hmeichhe hostel

Hmarchhak hmeichhe zirlaite chuan Bangalore University campus-ah hostel hran an nei thuai dawn.

Hostel sakna atan university thuneitute chuan ram square metre 22,000 an pe a, North Eas­tern Council (NEC)-in hostel sakna senso a tum ang.

University Registrar K.K. Seethamma chuan he thu hi sawiin, hmarchhak hmeichhiate tana hostel hran siam chu Bengaluru-a hmarchhak zirlaite hip tumna ni, a ti. Hostel project kalpuina atan University official te leh NEC chuan June 8 khan Shillong-ah memorandum of understanding (MoU) an ziak a ni.

Room 96 awmna tur hmeichhe hostel hi chhawng thuma ruahman a ni a, a sakna sensoah cheng vai­belchhe 13.85 ruahhman a ni.

NEC leh Bangalore Uni­versity-in MoU an ziah angin hostel-ah hian hmarchhak hmeichhia te tan za zelah seat 75 hauh a ni a, 75% aṭang hian hmarchhak hmeichhia 250 velin seat an chan theih beisei a ni.

Seethamma chuan Bangalore University hnuaiah affiliated college 73 a awm thu sawiin, hostel hi university hnuaia college zirlaite pawhin an chan theih tur thu a sawi a, hmarchhak mite ei duh zawng chawhmeh pawh siam theih a nih tur thu a sawi.