Meghalaya : High Court panel-in dan loa lungalhthei khur siam hmuchhuak

Meghalaya High Court-in a ruat committee chuan South Garo Hills district-ah dan loa siam lungalhthei khur leh lungalhthei an phurhchhuahna an hmuchhuak.

He panel hi judge B.P Katakey (Retd) kaihhruai niin, April 2022 khan Meghalaya sorkar chuan Supreme Court leh National Green Tribunal (NGT) thupek bawhzuia a din a ni. April 2014 khan lungalhthei khur, rat-hole siam hi khap a lo ni tawh a ni.

Justice Katakey chuan state chhunga dan phal loh lungalhthei khur ti tawp tur hian nasa taka hma an lak zel tur thu Thawhlehnia an meeting zawhah alo sawi tawh bawk.

Meghalaya-a District Magistrate zawng zawng te chu November 2024 leh January 2025 chhunga lungalhthei an man te report turin an hriattir tawh a, district ṭhenkhat chuan an awmna huamchhungah lungalhthei khur a awm loh thu an sawi. Mahse South Garo Hills District Magistrate chuan lungalhthei metric ton 2,500 an man thu a sawi thung.

Committee chuan dan phal loh lungalhthei khur siam chungchangah complaint pasarih dawngin, pakhatah chuan video dah tel niin hei hi an chhuizui mek a ni.

Justice Katakey chuan state sorkar hnenah cement plant hrang hrangin coke, ferroalloys leh power siamna atan lungalhthei an hman dante enfiah turin a ti a, cement company-te hi Rs vbc 400 chawi tura tih an ni bawk.

Justice Katakey chuan rat-hole mine awmte enfiaha aerial survey neih a nih thu leh, hmun rukah survey hi neih niin February 28 hian committee chuan report kimchang an dawn theih an beisei thu a sawi.