BGB-in Tripura ramri hungna tur pawmpui

Bangladesh ram veng­tu, Border Guards of Bangladesh (BGB) chuan Tripura-Bangladesh ram­ri la hung lohte hung­na tur a pawmpui.

Tripura-a India leh Bangladesh ramri hi India chuan 83% vel a hung zo tawh a, hmun 40 velah hung loh a la awm a, Tripura Sonamura subdivision-a kilometre kua-a thui la hung loh chu dan phal loh bungraw tawlhruk chingte'n pawikhawihna remchangah an hman ṭhin avangin Border Security Force (BSF) official chuan hung thuai a duh thu a tarlang.

"Ramri venghim kawng­­ah theihtawp chhuah mah ila ramri hung lohna hmunah ramri kâna dan phal loh bungraw tawhruk chingte an awm ṭhin tih kan pha lo," tiin a sawi.

BSF official chuan ramri la hung lohte hung­na atana ruahmanna an siam chu BGB te pawhin an pawmpui tawh thu a sawi bawk.

Ramri hung hna tih­­khawtlai a nih chung­changah BSF official chuan BGB lamin an lo dodal ṭhin thu leh ramri khaw mipuite'n an dodal ṭhin thu a sawi a, hei vang hian BGB te pawmpuina neih hmasak a ṭul thu a sawi.