Gauhati HC-in Akhil bail phalsak

Gauhati High Court chuan Krishak Mukti Sangram Samiti (KMSS) hotu Akhil Gogoi leh amah thlawptu mi pangte chu bail a chhuah a phalsak.

KMSS hotu Akhil-a leh amah a thlawptute hian June 16 khan As­sam Public Service Com­mission (APSC) Chairman Rakesh Paul ban phutin APSC office kawta nawrh an huaihawt a, APSC chairman Paul chuan office hnathawh tihbuai tumah puhin an lakah FIR a thehlut a, Guwahati police te chuan an man nghal a ni.

Justice Paran Phukan awmna HC bench chuan Akhil leh a thlawptute hi bail a chhuah a phalsak ta a ni. Akhil thlawptute hi- Kamal Kumar Medhi, Mukut Deka, Prithviraj Doley, Dipak Kalita leh Rubul Das te an ni.